ບັນຊີເງິນຝາກກະແສລາຍວັນLink: url

     ບັນຊິເງິນຝາກກະເເສລາຍວັນ ເປັນບັນຊີເງິນຝາກທີ່ບໍ່ມີກຳນົດ, ນຳໃຊ້ເເຊັກເປັນສິ່ງຢັ້ງຢືນໃນການຊຳລະສະສາງຕ່າງໆເຈົ້າຂອງບັນຊີເເມ່ນສາມາດເຊັນເເຊັກສັ່ງຈ່າຍເເທນການນຳໃຊ້ເງິນສົດ ບັນຊີປະເພດນີ້ເໝາະສຳລັບຜູ້ດຳເນີນທຸລະກິດ ເເລະ ບຸກຄົນທົ່ວໄປທີ່ຕ້ອງການນຳໃຊ້ເເຊັກໃນການຈ່າຍເງິນຈຳນວນຫຼາຍພາຍໃນປະເທດໂດຍບໍ່ຕ້ອງໃຊ້ເງິນສົດ ເເລະ ນໍາໃຊ້ແຊັກແທນ. ທ່ານສາມາດເປີດບັນຊີກະແສລາຍວັນກັບສະຖາບັນ ການເງິນຈຸລະພາກທີ່ຮັບເງິນຝາກ ເອສເອສບີ ຈຳກັດ. 

ອັດຕາດອກເບ້ຍLink: url

ບັນຊີນີ້ແມ່ນບໍ່ມີດອກເບ້ຍ

ຈຳນວນເງິນເປີດບັນຊີຂັ້ນຕ່ຳLink: url

100.000 ກີບ / ຄັ້ງ / ບັນຊີ

ຜົນປະໂຫຍດLink: url

• ເປັນບັນຊີເພື່ອໃຊ້ໃນການໝູນວຽນເພື່ອປະກອບທຸລະກິດ.
• ໃຊ້ແຊັກໃນການເບີກຈ່າຍ ແລະ ຊໍາລະຄ່າສິນຄ້າ/ການບໍລິການ ແທນການນຳໃຊ້ເງິນສົດ.
• ສາມາດຝາກ-ຖອນ ແລະ ໂອນເງິນ ໃດ້ຕາມຈຸດບໍລິການລູກຄ້າຂອງ ສກຈຮ ເອສເອສບີ ທຸກວັນລັດຖະການ.
• ສາມາດຂໍຢັ້ງຢືນແຊັກເພື່ອຈ່າຍໃຫ້ລູກຄ້າ ຫຼື ນຳໃຊ້ເພື່ອຄ້ຳປະກັນການປະມູນໃດ້.
• ສາມາດນຳໃຊ້ເພື່ອຢັ້ງຢືນຖານະທາງການເງິນ.

ເງື່ອນໄຂLink: url

1. ເຈົ້າຂອງບັນຊີຕ້ອງເກັບຮັກສາປຶ້ມແຊັກໄວ້ໃນທີ່ທີ່ປອດໄພ ແລະ ຕ້ອງຢູ່ໃນສະພາບປົກກະຕິ.
2. ນຳໃຊ້ແຊັກໃນການເຄື່ອນໄຫວບັນຊີທຸກຄັ້ງ.
3. ກໍລະນີຕ້ອງການນຳແຊັກໄປຖອນ ຫຼື ໂອນເຂົ້າບັນຊີຢູ່ຕ່າງສະຖາບັນການເງິນ ຫຼື ທະນາຄານ ຕ້ອງໄດ້ນຳແຊັກມາຂໍຢັ້ງຢືນຈາກເຈົ້າໜ້າທີ່ ສກຈຮ ເອສເອສບີ ກ່ອນ.
4. ແຊັກມີອາຍຸການນຳໃຊ້ 180 ວັນ ນັບຕັ້ງແຕ່ມື້ທີ່ໄດ້ສັ່ງຈ່າຍເປັນຕົ້ນໄປ.
5. ຫ້າມບໍ່ໃຫ້ລະບຸເນື້ອໃນການສັ່ງຈ່າຍທີ່ມີລັກສະນະສອງເງື່ອນໄຂເປັນເດັດຂາດ ເຊັ່ນ: ຈ່າຍໃຫ້ຮ້ານຂາຍລົດ/ທ້າວ ກ, ຈ່າຍໃຫ້ຮ້ານຂາຍເຄື່ອງໄຟຟ້າ/ສົດ, ຈ່າຍໃຫ້ທ້າວ ກ/ສົດ ເຫຼົ່ານີ້ເປັນຕົ້ນ.
6. ກໍລະນີແຊັກມີການປ່ຽນແປງເນື້ອໃນການສັ່ງຈ່າຍ ເຊັ່ນ: ຊື່ ແລະ ນາມສະກຸນ, ວັນທີ ເດືອນ ປີ ສັ່ງຈ່າຍ, ຈຳນວນເງິນ ຖ້າຂິດຂ້າອອກຂຽນໃໝ່ ຕ້ອງມີການເຊັນກຳກັບຈາກເຈົ້າຂອງບັນຊີ ຕາມເງື່ອນໄຂທີ່ລະບຸໃວ້ກັບ ສກຈຮ ເອສເອສບີ ເພື່ອຢັ້ງຢືນໃນການປ່ຽນແປງຂໍ້ມູນດັ່ງກ່າວ.

ເງິນຝາກມີກຳນົດ(ຮູບເເບບຮັບດອກເບ້ຍ ເມື່ອຄົບກຳນົດ)Link: url

ບັນຊີເງິນຝາກມີກໍານົດ ຫຼື ເງິນຝາກປະຈຳ ແມ່ນໝາຍເຖິງບັນຊີເງິນຝາກທີ່ມີຜົນຕອບແທນຂອງອັດຕາດອກເບັ້ຍສູງກ່ວາບັນຊີເງິນຝາກປະຢັດ, ເຊິ່ງເປັນການລົງທຶນທີ່ມີຄວາມສ່ຽງຕໍ່າດ້ວຍອັດຕາຜົນຕອບແທນທີ່ ຄົງທີ່ຕາມກໍານົດເວລາທີ່ລູກຄ້າເລືອກລົງທຶນ ຄື: 3 ເດືອນ, 6 ເດືອນ, 1 ປີ, ສູງກ່ວາ 1 ປີ ແລະ ອື່ນໆ.

ລູກຄ້າສາມາດເປີດບັນຊີເງິນຝາກ ໃນປະເພດ ຄື: ປະເພດບຸກຄົນທົ່ວໄປ, ນິຕິບຸກຄົນ ແລະ ອົງການຈັດຕັ້ງຕ່າງໆ.

ອັດຕາດອກເບ້ຍLink: url

• ຝາກກຳນົດ 03 ເດືອນ: ອັດຕາດອກເບ້ຍ 5%/ປີ.
• ຝາກກຳນົດ 06 ເດືອນ: ອັດຕາດອກເບ້ຍ 7%/ປີ.
• ຝາກກຳນົດ 12 ເດືອນ: ອັດຕາດອກເບ້ຍ 8%/ປີ.
• ຝາກກຳນົດ 24 ເດືອນ: ອັດຕາດອກເບ້ຍ 9%/ປີ.
• ຝາກກຳນົດ 36 ເດືອນ: ອັດຕາດອກເບ້ຍ 10%/ປີ.
• ຝາກກຳນົດ 48 ເດືອນ: ອັດຕາດອກເບ້ຍ 11%/ປີ.
• ຝາກກຳນົດ 60 ເດືອນ: ອັດຕາດອກເບ້ຍ 12%/ປີ.

ຝາກຂັ້ນຕໍ່າLink: url

• ຝາກກຳນົດ 03 ເດືອນ: ຈຳນວນເງິນເປີດບັນຊີຂັ້ນຕໍ່າ 500,000 ກິບ/ຄັ້ງ/ບັນຊີ
• ຝາກກຳນົດ 06 ເດືອນ: ຈຳນວນເງິນເປີດບັນຊີຂັ້ນຕໍ່າ 500,000 ກິບ/ຄັ້ງ/ບັນຊີ
• ຝາກກຳນົດ 12 ເດືອນ: ຈຳນວນເງິນເປີດບັນຊີຂັ້ນຕໍ່າ 1,000,000 ກິບ/ຄັ້ງ/ບັນຊີ
• ຝາກກຳນົດ 24 ເດືອນ: ຈຳນວນເງິນເປີດບັນຊີຂັ້ນຕໍ່າ 1,000,000 ກິບ/ຄັ້ງ/ບັນຊີ
• ຝາກກຳນົດ 36 ເດືອນ: ຈຳນວນເງິນເປີດບັນຊີຂັ້ນຕໍ່າ 1,000,000 ກິບ/ຄັ້ງ/ບັນຊີ
• ຝາກກຳນົດ 48 ເດືອນ: ຈຳນວນເງິນເປີດບັນຊີຂັ້ນຕໍ່າ 1,000,000 ກິບ/ຄັ້ງ/ບັນຊີ
• ຝາກກຳນົດ 60 ເດືອນ: ຈຳນວນເງິນເປີດບັນຊີຂັ້ນຕໍ່າ 1,000,000 ກິບ/ຄັ້ງ/ບັນຊີ

ຜົນຕອບແທນທີ່ໄດ້ຮັບLink: url

• ໄດ້ຮັບຜົນຕອບແທນຈາກດອກເບ້ຍສູງທີ່ແນ່ນອນໃນຊ່ວງໄລຍະເວລາທີ່ທ່ານເລືອກ.
• ສາມາດໃຊ້ເງິນໃນບັນຊີ ເພື່ອເປັນຫຼັກຊັບຄ້ຳປະກັນໃນການຂໍສິນເຊື່ອນໍາທະນາຄານ.
• ສາມາດຕໍ່ກຳນົດໄລຍະການຝາກເງິນເມື່ອຄົບກຳນົດໄດ້ແບບອັດຕະໂນມັດ.
• ສາມາດໃຊ້ເພື່ອຢັ້ງຢືນຖານະການເງິນ.

ລະບຽບ ແລະ ເງື່ອນໄຂLink: url

1. ໃບຢັ້ງຢືນເງິນຝາກມີກຳນົດ ຫຼື/ແລະ ປຶ້ມບັນຊີເງິນຝາກ ໃຊ້ໄດ້ສະເພາະເຈົ້າຂອງບັນຊີເທົ່ານັ້ນ, ບໍ່ສາມາດໃຫ້ບຸກຄົນອື່ນນຳໃຊ້ແທນໄດ້.
2. ທຸກໆຄັ້ງທີ່ມີການຖອນ ຫຼື ປ່ຽນແປງຂໍ້ມູນໃນບັນຊີເງິນຝາກ ຜູ້ຝາກຕ້ອງໄດ້ເອົາ ໃບຢັ້ງຢືນເງິນຝາກມີກຳນົດ ຫຼື/ແລະ ປຶ້ມບັນຊີເງິນຝາກ ມາພ້ອມທຸກໆຄັ້ງ.
3. ເຈົ້າຂອງບັນຊີຕ້ອງຮັກສາໃບຢັ້ງຢືນເງິນຝາກມີກຳນົດ ຫຼື/ແລະ ປຶ້ມບັນຊີເງິນຝາກ ໄວ້ທີ່ປອດໄພ, ຖ້າປຶ້ມເສຍຫາຍ ຕ້ອງແຈ້ງໃຫ້ ສກຈຮ ເອສເອສບີ ຮັບຊາບໂດຍດ່ວນ.
4. ໃນກໍລະນີຂໍອອກ ໃບຢັ້ງຢືນເງິນຝາກມີກຳນົດ ຫຼື/ແລະ ປຶ້ມບັນຊີເງິນຝາກ ຫົວ/ໃບໃໝ່ (ເປິກເປື້ອນ,ຈີກຂາດ ຫລື ເສຍຫາຍ) ທາງ ສກຈຮ ເອສເອສບີ ຈະເກັບຄ່າທຳນຽມຕາມລະບຽບທີ່ປະກາດໃຊ້ໃນແຕ່ລະໄລຍະ.
5. ຖ້າຫາກຜູ້ຝາກເງິນມີການປ່ຽນຊື່, ປ່ຽນນາມສະກຸນ ຫຼື ທີ່ຢູ່ໃໝ່ ຕ້ອງແຈ້ງໃຫ້ສະຖາບັນຊາບທັນທີ.
6. ໃນກໍລະນີມີການບັນທຶກຂໍ້ມູນຕົວເລກເງິນຝາກ ຫຼື ຊື່ບັນຊີບໍ່ຖືກຕ້ອງ, ແມ່ນຕ້ອງແຈ້ງໃຫ້ເຈົ້າໜ້າທີ່ ສກຈຮ ເອສເອສບີ ຮັບຊາບທັນທີ ເພື່ອແກ້ໄຂໃຫ້ຖືກຕ້ອງ.
7. ໃນກໍລະນີເຈົ້າຂອງບັນຊີບໍ່ສາມາດມາຖອນເງິນ ຫຼື ປິດບັນຊີດ້ວຍຕົນເອງໄດ້ ຕ້ອງມອບສິດໃຫ້ຜູ້ທີ່ໄວ້ໃຈໄດ້ ຢ່າງເປັນລາຍລັກອັກສອນ ໂດຍຕ້ອງລະບຸເນື້ອໃນໃຫ້ຄົບຖ້ວນເຊັ່ນ: ຈຳນວນເງິນທີ່ຕ້ອງການໃຫ້ຖອນ, ຊື່ຜູ້ຖືກມອບສິດ, ວັນທີ, ຊື່ ແລະ ເລກບັນຊີທີ່ອະນຸຍາດໃຫ້ຖອນ ພ້ອມທັງລາຍເຊັນເຈົ້າຂອງບັນຊີໃຫ້ຄົບຖ້ວນຕາມເງື່ອນໄຂທີ່ຝາກໄວ້ກັບ ສກຈຮ ເອສເອສບີ. ນອກນັ້ນເຈົ້າຂອງບັນຊີຈະຕ້ອງມອບໃບຢັ້ງຢືນເງິນຝາກມີກຳນົດ ຫຼື/ແລະ ປຶ້ມບັນຊີເງິນຝາກ ພ້ອມດ້ວຍ ບັດປະຈຳຕົວ ຫຼື passport ຂອງເຈົ້າຂອງບັນຊີ ແລະ ຂອງຜູ້ທີ່ຖືກມອບສິດ ໃຫ້ຜູ້ຖືກມອບສິດຖືມາພ້ອມ.